Aisea e tāua ai le suesuega lenei?
E taatele lavea i le ulu, e pei o le tu‘ia leaga o le ulu. E toatele tagata e vave ona toe manuia mai ai. E iai tulaga, e leai ma se suiga o auga ma umi atu se vaitaimi faatoa foi i se lelei. E lē natia le faigata o le taumafai e saili fesoasoani pe a tuai ona manuia mai se lavea.
Ua matou saunia se faiga fou i le vaega mo faalavelave faafuasei e suesue ai se lavea faapenei, ina ia faafaigofie ona maua e tagata le fesoasoani. O le faagasologa lea e iloa tonu ai tagata e tuai na manuia mai se lavea ma mautinoa ua faasino i le vaega tonu e maua ai le fesoasoani.
E fesoasoani le faagasologa fou lenei e mautinoa ai e fomai le tausiga sa‘o o faia i le taimi tonu o moomia ai.
O le isi laasaga?
E fa falemai o le a faia ai le suesuega lenei (Middlemore, Nelson Marlborough, Wellington ma Queenstown). E fia faafesootai tagata matutua na umi se vaitaimi na aafia ai i se lavea o le ulu na asia le vaega o faalavelave faafuasei i le falemai pe fia auai i le suesuega lenei, ma e ono faafesootai atu oe pe a tusa ai.
A e fia auai, ona fesootai lea o oe i le vaega ausuesue ma faamalamalama nisi o tulaga ma avatu faamatalaga mo lou silafia. A mautu sau faaiuga e te auai ona faamautu lea o se avanoa ma le sui suesue lua te talanoa ai pe a mavae le tasi ma le ono masina talu mai le vaitaimi na e lavea ai po o ā tulaga o e maua ai. E mafai na lua talanoa i luga o le telefoni, initaneti po o le faafesagai.
O le a faatusatusa tulaga na toe faafoisia ai le malosi a o le i faia le faiga fou lea ma tua atu o le faia ai o le faiga fou e mautinoa ai ni suiga lelei.
Faamolemole faafesootai Jason Chua i le Jason.chua@aut.ac.nz po o le valaau/lafo feau tusitusia i le 021965188 mo tulaga o e fia fesili ai.
